På eit tidlegare parkeringsareal på tak, er det nå opparbeidd ein innbydande akitivitets- og rekreasjonspark for alle. Norwegian Property ønskja også å tilby eit attraktivt uteområde med Tuftepark for legetakarane sine. Ombruk vart tidleg sentralt i prosjektet, og er i samsvar med oppdragsgivar sin visjon «Global thinking, local action». Difor var det også viktig med eit fleksibelt design som kunne tilpassast ut frå tilgjengelege, brukte materialar.

Lokale ombruksmaterialar

Skiferheller og Oslokantstein er donert av Statsbygg og henta frå Regjeringskvartalet, settelag og fuger er ombrukt strøgrus og seks brukte benkar er donert av Bymiljøetaten og henta frå Rudolf Nilsens plass. Andre element i parken er henta frå prosjekt i og rundt Oslo. Takjorda inneheld teglstein som effektivt bind CO2 og er planta med tørrengplantar. Til våren skal det supplerast med meir ombruksskifer frå Regjeringskvartalet.

Arkitekthøgskulen i Oslo har gitt fem betongskulpturar frå ei studentutstilling som får pryda parken på eit opphøgd soldekke. Nå er kunstnarane Jonathan Chedeville og Rasmus Lyche Iversen i gong med å utsmykke teknisk rom og luftekanal til imaginært drivhus og høghus.

Landskap LCA

Utrekningar frå Landskap LCA (Life Cyclus Assessment) viser at  prosjektet har over 60% reduksjon i klimagassutslepp i eit 60 års perspektiv samanlikna med eit standardanlegg! Dette betyr at Norwegian Property sparar samfunnet for 100 000 kg CO2 ekvivalentar, noko som tilsvarar 540 flyreiser t/r Oslo- Trondheim for ein person eller utbygging av 270m² kontorbygg. Gummidekket bidreg til 65% av desse utsleppa. Opptak av CO2 i jord og vegetasjon bidreg til 7% reduksjon av klimagassar.