Ei stram økonomisk ramme, kort tidsfrist og mest mogleg leik og aktivitet var bestillinga frå Drammen kommune. Som tilsvar utfordra me oppdragsgivar på ombruk av stein/materialar og reparasjon av leikeplassutstyr. Kommunen var umiddelbart positive. Me fekk tilgond til kommunen sitt skattkammer; materiallageret på Muusøya, der me kunne bruke så mykje stein og andre element me ville. Ombruksstein er i hovudsak brukt som kanting rundt leikebasseng, med supplement av fleire særeigne granittsteinar som sitjeelement. Nokre stauder er donert frå eit anna prosjekt. Saman med reparasjon av dei fleste leikeapparata, har dei tre leikeplassane i Gulskogen, Svelvik og Mjøndalen fått eit estetisk løft og mykje leik og aktivitet for pengane.

Ryghgata i Mjøndalen:

Mjøndalen leikeplass gjennomgår størst forandring. To terrengformer og nye stiar bind området saman og legg til rette for variert leik. Fleire leikeapparat reparerast og samlast i felles sandbasseng med kanting i ombrukt stein. I tillegg tilførast området fleire, og varierte sitjemoglegheitar i naturstein frå kommunen sitt materiallager. 

Nedre Brentåsvei i Svelvik:

Leikeplassen i Svelvik ligg inne i ein flott furuskog med blåbær- og lyngvegetasjon. Me har spelt vidare på dei stadlege kvalitetane, og i hovudsak reparert leikeapparat, fylt på med fallsand og grus i tillegg til at enkelte område er revegetert.

Veslebakken/Tårnvegen på Gulskogen:

Med enkle grep har leikeplassen på Gulskogen fått eit løft; reparasjon av leikeapparat, tydeleg innramming av leikebassenga i ombrukt stein og supplement av ombrukte steinar som sitjeelement.